Friedrich Nietzsche

Der Friedrich Wilhelm Nietzsche (* 15. Oktober 1844 z'Röcke bi Lütze; † 25. August 1900 z'Weimar) isch en dütsche Filosof u klassische Filolog gsi. Vo 1869 bis 1879 isch er Profässer ar Uni Basu gse.

Är het i sim Läbe Morau, Religion, Filosofi, Wüsseschafte u au Kunst kritisiert. Was er schpeziell agriffe het isch die chrischtlechi Morau u di chrischtlechi u platonischtischi Metafüsik gsi. Bekannt isch sin Satz Gott isch toot. Är het sech gfrogt, was Woret überhoupt isch. Wäg all däm meine einigi, sini Filosofi sig deschtruktiv. As sis Hoptwerch gelt s Buech: Also sprach Zarathustra, wo an Religiosstifter Zarathustra erinneret.